Monday, November 23, 2009
Thursday, November 5, 2009
الى صديقتى التى فقدت شمسها و سقطت أجنحتها
مأدرش أديكى شمس ثانية ...لكن خدى حتة من قمرى.
مش هديكى النصف لانك مبتحبيش شكل النصف قمر.
كنتى بتقولى إن شكله كده كإنه مقطوع بسكينة!
هديكى هيلال ...إيه رأيك؟
و للأسف معنديش أجنحة فراشات ...لكن إيه رأيك فى جيناح من أجنحة الدراجون فلاى!
صحيح هما شفافين و مملين بس أنا بتوعى بينوروا فالضلمه!
بأه معاكى هيلال و جيناح بينور فى الضلمه...
سلفه مؤقتة لحد مترجعلك شمسك و أجنحتك و تلاقى ألوان جديدة...
و أخيراً هديكى حضن كبير و بوسه صغنونه...دول مش سلفه طبعاً !
Subscribe to:
Posts (Atom)